Vísindaport: Lærdómar úr áhugaleikhúsinu – Að byggja upp samfélag og finna gleðina

Lærdómar úr áhugaleikhúsinu – Að byggja upp samfélag og finna gleðina

Dóra Hlín Gísladóttir og Tinna Ólafsdóttir segja frá starfi sínu í áhugaleikfélaginu Litla leikklúbbnum á Ísafirði, þeirri reynslu sem þær hafa öðlast og því sem skiptir mögulega mestu máli í starfi klúbbsins.

Dóra Hlín Gísladóttir er efnaverkfræðingur og starfar sem varaforseti vöruþróunar hjá Kerecis. Hún hefur setið í stjórn Litla leikklúbbsins síðan árið 2022. Innan klúbbsins hefur Dóra verið aðstoðarleikstjóri, leikari og í búningadeild, fyrir utan að stökkva í öll þau störf sem stjórnarmenn þurfa að sinna.

Tinna Ólafsdóttir er menntaður mannfræðingur með master í blaðamennsku og starfar sem upplýsingafulltrúi Ísafjarðarbæjar. Hún hefur setið í stjórn Litla leikklúbbsins síðan árið 2019 og tekið að sér leikstjórn, tónlistarleik og búningahönnun fyrir klúbbinn

Erindið fer fram á kaffistofu Háskólaseturs Vestfjarða og hefst kl. 12.10. 

Erindið fer fram á íslensku