Laust starf: Forstöðumaður Háskólaseturs Vestfjarða

Háskólasetur Vestfjarða (HV) leitar að kraftmiklum einstaklingi í krefjandi starf forstöðumanns. Forstöðumaður stýrir daglegri starfsemi og rekstri HV í umboði stjórnar. Forstöðumaður fer með fjármál og reikningshald, ræður starfsfólk og stýrir faglegri starfsemi. Forstöðumaður er virkur þáttakandi í stefnumótun HV með stjórn. Leitað er að skapandi leiðtoga sem hefur eldmóð og brennur fyrir uppbyggingu akademískrar starfsemi HV og samfélagsins á Vestfjörðum. Starfsstöð er á Ísafirði og er búseta á Ísafirði eða nágrenni skilyrði.

Helstu verkefni og ábyrgð:

• Fjármál og rekstur
• Stefnumótun og innleiðing hennar
• Mannauðsmál
• Fagleg forysta og áframhaldandi uppbygging náms og námssamfélags á háskólastigi á Vestfjörðum
• Samskipti við stjórnvöld og samfélag um málefni HV

Menntunar- og hæfniskröfur:

• Framhaldsmenntun sem nýtist í starfi er áskilin. Kostur ef umsækjandi hefur
  doktorsgráðu er tengist starfssviði forstöðumanns eða námsleiðum HV.
• Haldgóð íslenskukunnátta er nauðsynleg ásamt færni í ensku, í ræðu og riti
• Reynsla af rekstri, stjórnun og mannauðsmálum
• Þekking á fagsviðum HV
• Framúrskarandi samskiptahæfni og lipurð í mannlegum samskiptum
• Þekking og reynsla af stjórnsýslu
• Þekking á og reynsla úr háskóla- og/eða alþjóðlegu rannsóknaumhverfi
• Hæfni til að byggja upp teymi og sterka liðsheild

Umsókn skal fylgja:

• Ítarleg ferilskrá
• Afrit af prófskírteinum
• Kynningarbréf þar sem gerð er grein fyrir ástæðu umsóknar og rökstuðningur fyrir
  hæfni umsækjanda í starfið og hugmyndum um framtíðarsýn fyrir HV
• Tilnefning a.m.k. tveggja meðmælenda

Æskilegt er að nýr forstöðumaður geti hafið störf á haustmisseri 2025. Upplýsingar veita Peter Weiss, forstöðumaður (sími 450 3045 eða weiss@uw.is) og Elías Jónatansson, formaður stjórnar HV (sími 892-4461 eða eliasjonatansson@gmail.com).

Öllum umsóknum verður svarað þegar ákvörðun um ráðningu liggur fyrir.
Umsóknir skulu sendar á umsokn@uw.is. Umsóknarfrestur er til og með 15.05.2025.